Bléift Iech selwer, bléift Iech selwer ëmmer trei a kämpft fir dat, wat Dir fir richteg empfannt, seet d’Manette Ernst-Schuman. Hire Liewensmotto ass: Positiv sinn.
D’Manette huet vun enger Gesangskarriär gedreemt, mee hire Wee huet si an de Bankesecteur geféiert, wou si spéider hir eegen Institutioun (PFS Prepaid Financial Services) matgegrënnt huet. An enger deemools strenger Finanz-Männerwelt huet si sech duerchgesat. Dat soll en Usporn si fir Jonker, virun allem Fraen a Meedercher: Loosst Iech net ënnerkréien, kämpft fir dat, wat Dir erreeche wëllt, a wann et Nee ass, dann ass et och Nee. Grad och am Kontext vun der MeToo-Beweegung soll ee sech traue Stopp a Nee ze soen.
Vu Gesangsoptrëtter, vum Tobby a sengem Hobby, flotte Reesen, Cheffin sinn an enger dominanter Finanzmännerwelt, an enger gudder Portioun Éiergäiz an Zefriddenheet erzielt si eis.
