De veganen Tipp mam Marie
Brioche mat Schockelasstécker
6 min
Dauer: 30 Minutte Virbereedung a 15 Minutte Baken an 3 Stonnen opgoe loossen
Mir brauchen:
- 500 g Miel (Typ 55 oder Broutmiel)
- 100 g Zocker
- 7 g dréchen Hief (oder 20 g frësch Hief)
- 150 ml planzlech Mëllech, wotlech
- 150 ml Waasser
- 60 g Sonneblummenueleg
- 2 Kaffisläffele Vanillextrakt
- D’Schuel vun enger Orange (a kleng Stécker gerappt)
- 60-80 g donkel Schockelasstécker
Zoubereedung:
1. An enger grousser Schossel d’Miel, den Zocker an d’Hief vermëschen
2. D’Orangeschuelstécker, déi wotlech planzlech Mëllech, d’Waasser, de Sonneblummenueleg an de Vanillextrakt dobäi mëschen
3. E bësse Miel op d’Aarbechtsfläch streeën, an den Deeg fir ronn 5 Minutte mat den Hänn knieden (bis en elastesch ass)
4. Dat bannent vun der Schossel mat e bëssen Ueleg bepinselen an d’Deegbull do draleeën, mat engem fiichten Duch bedecken a fir ronn 2 Stonnen opgoe loossen
5. E bësse Miel op d’Aarbechtsfläch streeën, den Deeg drop ausrullen a mat de Shockelasstécker beleeën
6. Mat enger Deegrull den Deeg op eng rechteckeg Form ausrullen, mat ca. 1 cm Déckt
7. Aus deem Deeg ronn 13 Sträife schneiden, an dann nach eemol an der Mëtt schneiden
8. Allkéiers 3 Sträife matenee flechten
9. All d’Briochen op e Bakblech mat Bakpabeier leeën a fir ronn 1 Stonn opgoe loossen
10. De Schäffchen op 180 Grad Celsius opwiermen
11. D’Briochë mat e bësse planzlecher Mëllech bepinselen
12. D’Briochë fir ronn 15 Minutte baken, bis se uewen e bësse gëlle sinn
13. Nom Baken d’Briochë mat e bësse Waasser bepinselen, fir datt se mell bleiwen
14. Ofkille loossen a genéissen, entweder esou oder mat Pudderzocker drop
Presentéiert vum
- Marie Schockmel
Episoden
Madeleinen
Dee fluffegen Dessert aus Frankräich
Pesto mat Muertegréngs
Lecker Pesto Alternativ, fir d’Muertegréngs och mol ze benotzen
Äppeltaart Smoothie
Ee gesonde Smoothie dee no Äppeltaart schmaacht
Lasagne
E Klassiker, veganiséiert
Eisekuch mat tierkeschem Flair (Baklava-Topping)
Eisekuch mat Baklava-Geschmaach, wéi deen tierkesche séissen Dessert mat Pistaschen.
Bouillon mat Pak Choi
Eng Zopp mat vill gesondem Geméis
Carrot Cake Muffins
E Rezept fir de Rescht Muerte vun Ouschteren ze benotzen.
Chai Latte
En ayurvedeschen Drink mat ville Gewürzer
Brioche mat Schockelasstécker
Perfekt fir d'Ouschterzäit
Hieselnoss Smoothie
E gudde Smoothie fir en Energiekick!
Miso Zopp
Eng authentesch japanesch Zopp
Kniddelen
Lëtzebuerger Rezept perfekt fir den Enn vum Wanter
Crèmeg Champignonszooss fir Pasta
Op Basis vu Cashewnëss
Veganen Cheesecake Parfait
E schnellen Dessert, perfekt fir Vältesdag
Verwuerelter
Déi vegan Versioun vum Lëtzebuerger Klassiker fir Fuesent
Nuddele mat rouder Paprikazooss
Crèmeg Zooss mat gereechertem Paprika
Vegan Carbonara
E Pasta-Klassiker, veganiséiert
Vegane French Toast
Perfekt fir ee séisse Brunch!
Pizza
En einfacht Rezept fir e flotte Pizzaowend doheem
