Wann een den Numm Dullemajik héiert, dann denken der vill zeréck, well d’Dullemajik gëtt et schonns zanter 50 Joer, an zanter 50 Joer ass och schonn de Museker Guy Schons bei Dullemajik derbäi. An dee Gebuertsdag feiert Dullamjik mat enger ganzer Partie Concerten, virop engem Concert an der Philharmonie, als groussen Ofschloss.
De Guy Schons huet sech mat de Vollekslidder, déi hien eleng oder mat Dullmajik presentéiert huet, net nëmmen op der Bün beschäftegt, mee och mat Virträg a Recherchen iwwer déi Musek an hir Texter.
Fir d’Concerten zur Feier vu sengem Liewenswierk huet de Guy Schons eng Rei vu Museker zesummebruecht, fir mat hinnen op der Bün ze spillen. Dobäi sinn de Marion Michels, de Maurizio Spiridigliozzi, d’Nadine de Lorenzi-Bissen an d’Jacqueline Servais.
An der Emissioun kuckt de Guy Schons net nëmmen op d’Zäit mat Dullemajik zeréck, mee schwätzt och iwwer säi musikalesche Wee a kuckt op nei Projeten, déi hien elo lancéiert huet. Esou e Projet wéi de Guy Schons dat gäre mécht, eng Mëschung aus Virtrag a Concert, ass “Bei mir bist du schéin. Jiddesch Lidder”. D’Première vun deem Concert-Virtrag war de 4. September an der Shomre Hadas Synagog zu Antwerpen, duerno kommen elo Optrëtter hei am Land an am Februar 2026 zu Kapstad a Südafrika am Jewish Musek an zu Johannesburg am Rabi Cyrill Center.
