De 15. Mee elo gëtt et eescht dann ass déi zweet Halleffinall vum Eurovision Song Contest vun dësem Joer, an der d’Laura Thorn mat hirem Titel “La poupée monte le son” eis Faarwe vertrëtt. An d’Hoffnung ass grouss datt d’Laura Thorn och de 17 Mee an der Finall zu Basel mat derbäi ass, an deen Ament ka jo alles geschéien.
An iwwert de Eurovision Song Contest oder de Grand Prix d’Eurovision de la Chanson wäerte mer déi Kéier an eiser Emissioun bestëmmt vill schwätzen.
Well den Invité beim Jean Claude Majerus am „Sot emol“ ass en Expert vum ESC an dat ebe well den Thierry Mersch den ESC bal zanter ëmmer suivéiert, jo an der Zäit war den Thierry esou guer fir den 100,7 beim Eurovision Song Contest bei de Finalle mat derbäi, a konnt och hannert d‘Kulisse vum ESC kucken. An dann huet den Thierry Mersch och probéiert als Kënschtler beim ECS ze participéieren, well den Thierry Mersch ass nieft sengem Beruff als Schoulmeeschter och Sänger a Museker. E musikalescht Highlight hat den Thierry Mersch als jonke Mënsch an den 1990er Jore wou mat “Save your kisses for mä”, niewebäi bemierkt och e Gewënnerlidd vum ESC , 1976 hat Brotherhood of Man fir England gewonnen, an den Thierry konnt deemools mat dem Lidd e Karaokeconcours gewonnen. D’Musek spillt zanter ëmmer eng grouss Roll am Thierry Mersch sengem Liewen, an e wollt sech och ëmmer den Dram vun enger eegener CD erfëllen, wat och gelongen ass, an et koumen der nach weider Alben no. An dann, wat och immens ass, den Thierry Mersch huet dacks eng Musek a säi Gesang mat sozialen an humanitären Approche verbonnen.
