D’Actrice a Regisseurin Valérie Bodson huet zanter iwwer 30 Joer eng fest Plaz an der Lëtzebuerg Theater- a Filmzeen. Am Theater huet si mat ville Leit zesummegeschafft, déi den Theater ouni Zweiwel markéiert hunn, dat geet vu Marc Olinger a Claudine Pelletier iwwer Pol Cruchten, Anne Simon, Joel Delsaut bis bei Myriam Muller, Carole Lorang a Frank Hoffmann.
Mee och am Film ass si doheem, do kann ee fir Lëtzebuerg sécher e puer Filmer vum Andy Bausch eraushiewen, wéi “Rusty Boys“, “De Buttek“ oder méi rezent “Little Duke“.
D’Valérie Bodson ass eng Actrice mat ganz groussen Emotiounen, déi een als Zuschauer scho mathuele kënnen, well si et fäerdegbréngt, déi Emotiounen ze mobiliséieren an op de Publique ze iwwerdroen.
Emotiounen op där enger Säit an dann natierlech och eng immens Energie, déi si op d’Bün oder den Ecran ka leeën.
An nieft hiren Aktivitéiten als Actrice an als Regisseurin gëtt d’Valérie Bodson hiert d’Wëssen a Kënnen och weider als Dozentin am Escher Conservatoire.
