De 27 Januar 1945 huet déi russesch Arméi d’Konzentratiounslager Auschwitz an d’Vernichtungslager Auschwitz-Birckenau liberéiert, 7000 Iwwerliewender, Fraen, Männer a Kanner waren nach am KZ Auschwitz. Mee Auschwitz ass e Synonym vum Terrorregim vun Nazi-Däitschland ginn. Iwwer 1,1 Millioune Mënschen, dovunner 1 Millioun Judde goufen op deem risegen Areal am Süde vu Polen, 42 Quadratkilometer grouss , op brutaalst Manéier ëmbruecht, vergaast oder anescht gesot exterminéiert. Auschwitz steet fir d’Shoah, de Genozid un de Judden duerch Nazien an d’SS.
Auschwitz-Birckenau steet ganz speziell fir d’Exterminatioun vun honnert Dausende vu Mënsche. Birckenau gouf och nach de „Camp de la mort“ oder d’Industrie vum Doud genannt. „Arbeit macht frei“ steet grouss iwwert der Entréespaart fir an d'Stammlager Auschwitz eran. Auschwitz heescht a Polen Osviecim, Auschwitz ass de Numm deen Nazien der Stad ginn a mat deem se op eng traureg Manéier bekannt ginn ass.
Eng Fro steet awer nach ëmmer am Raum, eng Fro op déi ee wuel ni eng Äntwert wäert fannen: “Wéi konnte Mënschen anere Mënschen dat undoen?”
De Jean Claude Majerus proposéiert iech e méi spezielle Sot emol déi Kéier mat Temoignagë vu Mënschen déi d‘Hell vun Auschwitz iwwerlieft hunn.
