Fréier stoung hie selwer als Dänzer op internationale Bünen, haut ass et dem Jean-Guillaume Weis wichteg anerer fir seng Passioun, dem Danz ze begeeschteren.
De Jean-Guillaume hat d'Talent an d'Chance mat international unerkannten Nimm ze danzen; hien huet mam Pina Bausch Tanztheater, der Mark Morris Dance Group oder dem Tanztheater Basel geschafft.
Wärend senger Karriär huet hien u ville Kreatiounen, Repertoirestécker mat ville Choreographen, Komponisten, Museker, Dänzer, Schauspiller, Regisseuren an aner Kënschtler op der Welt participéiert.
Zënter 1998 danzt hien haaptsächlech a sengem eegene Wierk a schafft als Choreographe fir seng Trupp. Hien huet Stécker choreographéiert déi an der Belsch, Däitschland, Frankräich, Polen, oder den USA opgefouert gi sinn. An huet souguer eng Danzschoul opgemaach.
Bei Sot Emol schwätzt hien mam Natasha iwwer seng Passioun fir den Danz, wéini a wéi se entstanen ass.
Mat wéi vill Schweess an Training hien et fäerdeg bruecht huet, op internationale Bünen ze danzen, wéi hie Choreograph ginn ass, a wat hien haut motivéiert. Hie geet awer och op d'Virurteeler an, déi hien als Kand erlieft huet, als Jong wëllen eng Karriär am Danz anzegoen.
