"Rhapsody" steet fir en experimentellen Betribssystem an dorëms geet et dem däitsch-franséische Clavierist Frank Woeste, dat heescht e fräien a perséinlechen Ëmgang mat der Musek.
"Muqata'a" steet fir Boykott oder fir ze ënnerbriechen. Esou nennt sech e palästinensesche Rapper an Dj, deen als de Godfather vun der Underground-Hip-Hop-Zeen zu Ramallah bezeechent gëtt.
Mir entdecken den Ignacio Maria Gomez, argentinesche Museker, deen afrikanesch Aflëss a seng Musek integréiert. "Belesia" ass säi schéinen Debut iwwerschriwwen.
Och de südafrikanesche Quartett Urban Village huet en éischten Album verëffentlecht, deen traditionell Xhosa a Zulu Stiler erklénge léisst. Mat sengem siwenten Album "Shapes of the Fall" stellt de Piers Faccini d'Fro, wéi ee mam Zesummebroch vun der Welt liewe kann. E wichtegt Theema, dat de Piers Faccini mat Poesie ugeet. Musikalesch ass den Album "Shapes of the Fall" e Songwriting vum Feinsten.
"E-Life", deen neien Album vum Yannic Seddiki Trio léisst d'Geschicht vun der Dualitéit erkléngen. D'Dualitéit vun enger hyper-connectéierter Welt, an där jiddweree mat dausende Persounen uechter d'Welt kommunizéiere kann, mee wou d'Solidaritéit an d'Bridderlechkeet tëschent de Mënsche lues a lues der Keelt vun de virtuelle Rapporte Plaz mécht.
Ganz fein ass d'Fieder an och de Klang vum Gittarist Thibaud Defever zesumme mam Le Well Quartet fir den delikaten Album "Le temps qu'il faut". Deen zu London baséierte Poet Anthony Jospeh consultéiert d'Spirits (an net d'Spirituosen) vun der karibescher Diaspora mat der Fro, wat mer da brauche fir eng besser Welt ze schafen.
An der purer Freed gewidmet ass "A Joyful Sound", leschten Opus vum amerikanesche Soulmann Kelly Finnigan, en zukünftege Klassiker!
Playlist:
Myles Sanko - Rainbow in Your Cloud - Memories of Love
Myles Sanko - Where Do We Stand - Memories of Love
Frank Woeste - Parlance - Pocket Rhapsody II
Muqata'a - Uru Salem (feat. Mehdi Haddab & Walaa Sbait) - Electrosteen
Urban Village - Ubusuku - Udondolo
Ignacio Maria Gomez - Tchen Dorò - Belesia
Piers Faccini - Levante - Shapes of the Fall
Thibaud Defever & Le Well Quartet - L'artillerie lourde - Le temps qu'il faut
Yannic Seddiki Trio - A New Day - E-Life
Yannic Seddiki Trio - Black or White Hat (feat. Robinson Khoury & Camille Passeri) - E-Life
Anthony Joseph - The Gift - The Rich Are Only Defeated When Running for Their Lives
Kelly Finnigan - Just One Kiss - A Joyful Sound