Akustesch Gittar, Perkussioun a beim Titel "Gela" déi kraaftvoll Stëmm vun der Ejigayehu Shibabaw kuerz Gigi genannt, en zäitgenëssescht äthiopescht Lidd vun Abyssian Infitine hirem Album Zion Roots.
Titi Robin, de franséische Museker, Komponist a Multiinstrumentalist ass e Pionéier vun der Weltmusek. Säin eenzegaartege perkussive Stil verbënnt d'Kläng aus dem Mëttelmierraum, aus Nord-Afrika, Indien sou wéi Aflëss vun de Sinti a Roma.
Den argentinesche Gittarist, Perkussionist a Sänger Ignacio Maria Gomez sengt an enger Sprooch déi en sech selwer ausgeduecht huet, e benotzt se wéi en Instrument fir spirituell Mantraen a Gesangsformen.
"Wann ech net sangen, stierwen ech" sot di brasilianesch Sängerin Gal Costa. Mir tauche kuerz an an hire berüümten Album "Índia" aus dem Joer 1973, Disk dee bekannt ass fir seng räich a fein Arrangementer vun traditionelle brasilianesche Rhythme mat Pop-Avant-garde a sengem sënnleche Gesang.
Art-Rock, Jazz-Fusioun an Elementer aus der spiritueller Musek op eng hypnotesch Aart a Weis vereent, dem David Sylvian säin "I Surrender" ass begleet vun héichkarätege Museker wéi de Ryuichi Sakamoto um Fender Rhodes E-Piano, de Kenny Wheeler huet säi markante Solo um Flügelhorn bäigesteiert, di subtil akustesch Deeler op der Gittar huet de Marc Ribot gespillt an de Steve Jansen spillt d'Perkussiounen. "I Surrender" baséiert iwwregens op engem rhythmesche Sample vum The Mahavishnu Orchestra hirem "You Know, You Know".
D'Tindersticks mat hirem "You'll Have to Scream Louder" ass en Titel deen d'Ignoranz vun den Elitten déi an hiren Elfenbeintierm Entscheedungen treffe kritiséiert, en dréckt d'Suergen aus vun de normale Leit déi d'Gefill hunn net gehéiert ze ginn an den Text beschreift och d'Roserei déi opkënnt. Mir ginn d'Hannergrënn vum Lidd gewuer ...
Playlist:
01. Abyssian Infitine - Gela (feat. Gigi) - Emociones, Vol. 1
02. Titi Robin - Ali Farka danse et se souvient - Rebel Diwana
03. Songhoy Blues - Toukambela - Héritage
04. Ignacio Maria Gomez - Belesia - Belesia
05. Gal Costa - Passarinho - Índia
06. Zé Nigro - Gorjeios (feat. Arthur Verocai) - Silêncio
07. Murge - Everytime You Go (feat. Sierra Lundy) - Gold and Bliss
08. David Sylvian - I Surrender - Everything & Nothing
09. Yussef Dayes - Rust (feat. Tom Misch) - Black Classical Music
10. Tindersticks - You'll Have to Scream Louder - Single
11. Massive Attack - Safe From Harm (feat. Shara Nelson) - Blue Lines
12. Massive Attack - Heat Miser - Protection
13. Guillaume Perret - Peace - A Certain Trip