Éier dem Johnny Cash säi bekannte live Album "At Folsom Prison" 1968 erauskoum, hat hien en Optrëtt zu San Francisco an enger Salle, déi vu Membere vun Jefferson Airplane an The Grateful Dead bedriwwe gouf. Deen Optrëtt gouf opgeholl vun den Dead hirem Soundmann Owsley, genannt "Bear" Stanley. An dës Opnam gouf elo offiziell verëffentlecht: "At the Carousel Ballroom, April 24, 1968".
En aneren ale Bekannte léisst vu sech héieren, den David Crosby, Grënner vun de Byrds an Crosby, Stills and Nash. "Rodriguez for a Night" ass en neit Lidd, dat an Zesummenaarbecht mam Donald Fagen vun Steely Dan geschriwwe gouf. "Rodriguez for a Night" kënnegt den neien Album "For Free" un, dee fir den 23. Juli erwaart gëtt.
De Paräisser Ensembel Same Player Shoot Again hat 2018 en Hommage un de Freddie King enregistréiert a verëffentlecht. Haut ass den Albert King drun. De Bluesmann aus dem Mississippi ass bekannt fir säin elektresche Blues. Dem Albert King säi "Playing On Me", hei also revisitéiert vun de Fransouse Same Player Shoot Again.
Den togolesesche Gittarist a Sänger Peter Solo huet zesumme mat senger Band Vaudou Game den neien Album "Noussin" verëffentlecht. Dësen ass staark vum aktuellen ekonomeschen a soziale Kontext beaflosst.
Och um Programm Ethio-Jazz Fusioune vu Mulatu Astatke & Black Jesus Experience a vum äthiopesche Keyboarder Hailu Mergia, deen endlech eng zweet Jugend erliewen dierf mat der Re-Editioun vu senge Wierker. Hie gëtt Concerte weltwäit an huet den Album "Yene Mircha" d'lescht Joer verëffentlecht.
Peter von Poehl, dee schweedesche Singer-Songwriter, Komponist an Dirigent presentéiert säi fënneften Album "Memories from Saint-Forget". Saint-Forget gëtt et tatsächlech. Et ass en Duerf an der Vallée de Chevreuse, ... e flott Wuertspill an e schéine Folk Album!
Eng Decouverte dës Woch ass de Rogér Fakhr aus dem Libanon, mat sengem Debut-Album "Fine Anyway", en Disk, dee Mëtt 70er zu Beirut matzen am Biergerkrich an zu Paräis enregistréiert gouf.
Playlist:
Yo La Tengo - Wasn't Born to Follow - Sleepless Night - EP
Johnny Cash - I'm Going to Memphis (Bear's Sonic Journals: Live At The Carousel Ballroom, April 24 1968)
The Black Keys - Crawling Kingsnake - Delta Kream
David Crosby - Rodriguez For A Night - For Free
Our King Albert - Playing on Me - Same Player Shoot Again
Tim Ayre - Miami Drive - Modern Life - EP
Vaudou Game - Yome - NOUSSIN
Vaudou Game - Mon Canapé - NOUSSIN
Hailu Mergia - Bayne Lay Yihedal - Yene Mircha
Mulatu Astatke & Black Jesus Experience - To Know Without Knowing - To Know Without Knowing
Peter von Poehl - Little Star - Memories from Saint-Forget
Rogér Fakhr - Sad Sad Songs - Fine Anyway (Habibi Funk 016)
Sault - Alcohol - Nine
Sault - Wildfires - Untitled (Black Is)