Am London vun den Enn 80er ass an de Clubbe vu Soho a Camden eng nei Zeen entstanen. E puer Gräpp voll jonk Museker, Sänger an Dänzer hu fräi eraus d’Energie vun der House mam Jazz, der Soul dem Funk, Hiphop an der Disco vermëscht. Erauskoum en irresistibele Groove an en neie Genre, den Acid-Jazz. De Kollektiv Galliano, deen zanter sengem Debut geleet gëtt vum Rob Gallagher aka Earl Zinger, war ee vun de bekanntste Gruppen, déi zu der Entwécklung vum Acid-Jazz bäigedroen hunn. Haut a bal 30 Joer duerno hu Galliano en neien Album!
D’Soul-Musek huet sech an den Enn 50er aus dem Rhythm and Blues a Gospel eraus entwéckelt, woubäi nach ëmmer den häerzzerräissende Gesang d’Haaptcharakteristik vum Stil ass. Hei héiere mir déi faméis Stëmme vun Zäitgenossen.
De Blues ass en anere Genre, deen zäitlos ass. De Black Keys hiren zéngte Studioalbum “Delta Kream” vun 2021, ass e Cover-Album vun Hill-Country-Blues Lidder.
Grad wéi säi legendäre Papp Ali Farka Touré, esou ass och de Vieux Farka Touré en Artist, dee gär mat anere Museker zesummeschafft. Eng schonn zimmlech aussergewéinlech Renconter ass déi mat der amerikanescher Sängerin Julia Easterlin um Album “Touristes”.
Dës Kéier och e legendären Disk aus dem Joer 1973, deen Theeme wéi Zäit, Konflikter, Gier, Doud a Geeschteskrankheet erfuerscht. De Songwriter vun deemools weist sech och haut nach mat ville Causë solidaresch, werft vill Froen op a kritt och doduerch ferm Géigewand.
Playlist:
1. Galliano - Coming On Strong - In Pursuit of the 13 Note
2. Galliano - Prince Of Peace - A Joyful Noise Unto The Creator
3. Galliano - Circles Going Round The Sun - Halfway Somewhere
4. Sault - Uncomfortable - Untitled (Rise)
5. Gabriels - Loyalty - Loyalty/Single
6. Monophonics & Kelly Finnigan - Sage Motel - Sage Motel
7. Jalen Ngonda - It Takes a Fool - Come Around and Love Me
8. Fenton Robinson - The Getaway - Somebody Loan Me a Dime
9. The White Stripes - St. James Infirmary Blues - Peaky Blinders
10. The Black Keys - Going Down South - Delta Kream
11. Vieux Farka Touré & Julia Easterlin - A'Bashiye (It's Alright) - Touristes
12. Hardkandy - The Good and the Bad - Second to None
13. Tim Booth & Angelo Badalamenti - Dance of the Bad Angels - Booth and the Bad Angel
14. Pink Floyd - The Great Gig In the Sky - The Dark Side of the Moon
15. Pink Floyd - Time (2011 Remastered Version) - The Dark Side of the Moon