Den amerikanesche Museker Damien Jurado erzielt op sengem neien Album "The Monster Who Hated Pennsylvania" zéng Geschichte vu Mënschen, déi fest decidéiert sinn, trotz schwieregen Ëmstänn, sech net ënner kréien ze loossen.
Lidder iwwer d'Léift, d'Liewen, Alkohol an alles dertëschent, dat ass den Inhalt vum Album "Friends in High Places" vum Turner Cody, dee seng Wallissen zu New York niddergesat huet. Do huet hien Enn den 90er säi Songwriting ausgefeilt an der Zeen vum Anti-Folk. Den Turner Cody an den Nicolas Michaux si sech am Kanada iwwer de Wee gelaf an hu sech e puer Joer drop zu Bréissel erëmfonnt, fir deen neien Album vum Turner Cody anzespillen, dee vum Nicolas Michaux produzéiert ass.
E Wüüsten-Blues vum Feinsten léist de Samba Toure erkléngen, dat kënnt och net vun ongeféier, hien huet e puer Joer op der Säit vum Ali Farka Toure verbruecht.
De Loran Velia ass eng vu den Decouvertë vun dëser Woch am Beräich vum Maloya, héich interessant!
Ganz roueg a laid back, e schéint Zesummespill tëschent dem Piano, der Kora an der Stëmm, zesummegehalen duerch fei Perkussiounen, dat léist den Album "Suba" vun Omar Sosa & Seckou Keita erkléngen.
Den Duo Abraham Fogg experimentéiert mam Elektro grad esou wéi mat de mysteschen Klimate vun engem Arvo Pärt.
"Le Vol des Sorcières" ass och den Titel vun engem Film an den éischten Deel vun engem Court-Metrage an zwee Deeler: "Metamorphosis", iwwer d'Liewen an d'Aarbecht vum zäitgenëssesche Kënschtler Olivier de Sagazan.
De Paräisser Klarinettiste Yom, deen dauernd nei Ästheetiken erfuerscht, huet de Besoin Musek a Spiritualitéit mateneen ze verbannen, op der Sich no Universalitéit.
Engagéiert géint de Rassismus ass den Ausdrock vum Joseph Malik, an hie weess vu wat hie schwätzt ...
Playlist:
Damien Jurado - Dawn Pretend - The Monster Who Hated Pennsylvania
Turner Cody & The Soldiers Of Love - Lonely Days in Hollywood - Friends in High Places
Tex Perkins & The Fat Rubber Band - Place In the Sun - Tex Perkins & the Fat Rubber Band
Twan Tee & Oddy - On the Road (feat. Loïs Daïri) - Twan Tee Meets Oddy
Samba Touré - Fondo - Binga
Laurent Garnier & The Limiñanas- Saul - De Película
loran Velia - Mon gaté - Seksion Maloya
Omar Sosa & Seckou Keita - Voices on the Sea - Suba
Yom - Celebration - Celebration
Abraham Fogg - Le Vol des Sorcières/Single
Maryam Chemirani, Sylvain Barou, Bijan Chemirani & Keyvan Chemirani - Bâman Sanamâ - Hâl. Ballades Amoureuses
Joseph Malik - Strange New Places (feat. Lynzie Dray) - Diverse, Pt. 3
Sam Evian - Lonely Days - Time to Melt