An de soziale Medie waren iwwerdeems homophob Kommentaren ënner de Foto gepost ginn. Den Escher Kulturschäffen huet betount, datt d'Gemeng Esch esou ee Verhalen net toleréiere géif.
Haassried wier keng Meenungsfräiheet, esou de Pim Knaff.
"Hassried huet och ee konkreeten Impakt op d'Wuelbefannen an d'mental Gesondheet vun deene Mënschen, déi hir zur Zilscheif ginn."
Den Internet wier kee rechtsfräie Raum, esou de Pim Knaff.
"Esch ass déi éischt Gemeng, déi dem Reseau vun de Rainbow-Cities bäigetrueden ass. Dës Engagementer verflichten eis, dorun ze erënneren, datt do do inakzeptabel ass, an datt mir de klammenden Haass vis-à-vis vun LGBTQIA+-Persounen net dierfen toleréieren."
Et sollt een e Beispill setzen, andeems een d'Haassried ëffentlech verurteelt, esou nach de Pim Knaff. Wat zu Nidderaanwe geschitt wier, wier keen Eenzelfall. Eng Etüd vun der europäescher Unioun no géifen d'Diskriminéierunge par rapport zu LGBTQIA+-Persounen hei zu Lëtzebuerg an d'Luucht goen, esou den Escher Kulturschäffen.
