Gewierzer aus aller Welt
Kardamom, Kardamom, Cardamome
5 min
Kardamom staamt ursprünglech aus Südindien a Sri Lanka. Am 9. Joerhonnert hunn d’Wikinger en an de skandinavesche Länner ageféiert, wou e bis haut beléift ass fir Brout, Gebäck an Desserten ze aromatiséieren.
An all Kapsel si 15-20 donkelbrong Somkären, déi ee ganz eegenen duussen Aroma enthalen. An der traditioneller Medezin ginn d’Somkäre besonnesch bei Moproblemer agesat ...
Dee schwaarze Kardamom kënnt aus dem Nepal. Et ass eng aner Zort Kardamom, dee méi e schaarfe gereecherten Aroma huet. Duerfir gëtt en éischter a gehäerzte Plate wéi dem vietnameesesche Rëndsbouillon Pho gebraucht. E bréngt eng interessant Aromanout a vegetaresch Platen, well en u gereecherte Speck erënnert.
Wéi bei all Gewierzer ass et besser Bioqualitéit ze wielen. Si enthale méi Aromastoffer, keng Pestiziden a komme gewéinlech aus dem Fairtrade-Handel.
D’Ernärungsberoderin Lis Muller huet gesicht, gericht a geschmaacht an huet e puer wäertvoll Rotschléi zesummegefaasst, wéi Wantergewierzer eist allgemengt Wuelbefanne verbesseren a wéi eng Geschmaachskombinatioune sech ubidden.
Klengen Tipp:
An den arabesche Länner gëtt als Zeeche vu Gaaschtfrëndschaft grénge Kardamom deem dacks battere Kaffi bäigesat, deen doduerch méi aromatesch a méi liicht verdaulech ass.
Referencen:
https://www.comptoir-des-epices.com
Aggarwal, B. B. (2023). Heilende Gewürze. Narayana Verlag
Farrimond, S. (2018). Gewürze - Aromen kombinieren, kochen, perfektionieren. DK Penguin Random House
Vierich T, V. T. (2017). Aroma die Kunst des Würzens. Stiftung Warentest
Vierich T., V. T. (2020). Aroma essenziell. Stiftung Warentest
Zenter fir d'Lëtzebuerger Sprooch. (2021). Vun Dréischel bis Kréischel - 294 Uebst- a Geméiszorten, Kraider, Gewierzer an Nëss. ZLS a SCRIPT
Presentéiert vum
- Angie Maquil
Episoden
Ingwer, Ingwer, Gingembre
Eng Wuerzel mat erstaunlechen Eegenschaften
Neelcheskapp, Gewürznelke, Clou de girofle
E Wantergewierz, dat am beschten zesumme mat anere Gewierzer harmonéiert.
Stärenanäis, Sternanis, Anis étoilé
E Glécksbrénger, deen net nëmmen dekorativ ass.
Muskot, Muskat, Muscade
Duerch d‘Erhëtze verléiert d’Muskotnoss séier den Aroma. Duerfir léiwer frësch, als Noss direkt éier een zerwéiert iwwert d’Iesse reiwen.
Kardamom, Kardamom, Cardamome
Kardamom op gréng oder schwaarz an ass ëmmer en Highlight an der asiatescher Kichen
Vanill, Vanille, Vanille
D'Kinnigin vun de Gewierzer, déi fir gutt Laun suergt.
