Ernärung uechter d'Welt
Destinatioun Lëtzebuerg
6 min
Mir iesse vill ze vill séiss, fetteg a salzeg Produkter, déi dacks ultra transforméiert sinn.
Fänke mir eis Rees an deem Land un, dat am weltwäite Ranking vum gesondste Land op Plaz 11 läit, an dat ass Lëtzebuerg.
Als Moossstaf gëllt de Bloomberg Health Index: hei ginn 169 Länner no enger Rei Krittäre klasséiert, wéi z. B. Liewenserwaardung, Qualitéit vum Gesondheetssystem a vun der Ëmwelt, wou och d’Ernärung dozou gehéiert.
Déi lescht Jore gëtt vill gemaach fir de Konsum vu regionale Produkter, besonnesch Geméis an Uebst, ze verbesseren. Eis Iesskultur gëtt awer och staark vun der kultureller Vilfalt vun eiser Bevëlkerung gepräägt. En Tourist, deen op Lëtzebuerg kënnt, fënnt um Menu ënner traditioneller Kichen esouwuel Kniddelen, Wäinzoossiss mat Moschterzooss, wéi och Bouchée à la reine oder Pastaschutta, déi mir wéi vill aner auslännesch Platen an eis Iesskultur integréiert hunn.
Eis Energieversuergung läit mat 3.570 Kalorien iwwer dem Duerchschnëtt vun den Industrielänner. Am Verglach mam Modell vun der Liewensmëttelpyramid ass an der Realitéit d’Spëtzt vun der Pyramid scho bal e Plateau, d. h.: Mir iesse vill ze vill séiss, fetteg a salzeg Produkter, déi dacks ultra transforméiert sinn.
Dat erkläert och zum Deel déi alarmant Heefegkeet vun Iwwergewiicht zu Lëtzebuerg, an och firwat mir zanter 2017 vun der 9. op déi 11. Plaz am Bloomberg Index zeréckgefall sinn.
An den nächste Sendunge stelle mir Iech Länner vir aus den Top Ten vum Bloomberg Index. Dir kënnt déi gesondste Säite vun hirer Iesskultur op eng flott Manéier entdecken.
Referenzen:
https://gimb.public.lu/fr/gesond-iessen/besoins-nutritionnels/adulte.html. (s.d.). Récupéré sur https://gimb.public.lu/fr.
https://www.fao.org/faostat/fr/#country/256. (s.d.). Récupéré sur https://www.fao.org.
Presentéiert vum
- Angie Maquil
Episoden
Destinatioun Spuenien, d’Land vum flëssege Gold an dat gesondste Land vun der Welt
Et brauch méi wéi Paella a Gazpacho, fir als gesondst Land vun der Welt aklasséiert ze ginn.
Destinatioun Italien - méi wéi Pizza a Pasta
Interessant ass net nëmme wat, mee och wéi d’Italieener hiert Iesse genéissen.
Destinatioun Island, d’Land vun den Vulkaner, Gletscher a Geysiren
Traditionell ernäre sech d’Islänner haaptsächlech vu Fësch a vun Hämmelfleesch.
Destinatioun Japan, dem Land vum Laachen
Eng Iesskultur, an där d‘Téizeremonie an den Hara Hachi Bu niewenteneen harmonéieren.
Destinatioun Schwäiz
Nieft der Auer an dem Messer gehéieren och Schockela a Müsli zu Swissness
Destinatioun Schweden
Net ze vill, net ze wéineg, mee genee richteg fir jiddwer Eenzelen
Destinatioun Australien, e Land vun de Kontraster
Vu Bush-Tucker zu Fastfood, an eng Kinnigin vun den Nëss
Destinatioun Norwegen
Mediterran an en Hauch vu Wikinger
