De Paräisser Parquet huet de franséischen Office des Mineurs mat véier Enquêtë géint Shein, an déi dräi aner Online-Verkafsplattformen AliExpress, Temu a Wish beoptraagt. Wéi et heescht, krut de Parquet signaliséiert, datt och déi aner Plattforme Kanner-Sexpoppe fir d'Vente ugebueden hunn.
Accès verléieren
De franséische Wirtschaftsminister Roland Lescure sot, Shein kéint den Accès op de franséische Maart gespaart kréien. D'Plattform huet verséchert, datt d'Kanner-Sexpoppen zënter e Sonndeg net méi an der Vente wären.
Protest viru Geschäftshaus BHV
Iwwerdeems gouf et gëschter um Méindeg eng Manifestatioun virum Geschäftshaus BHV zu Paräis. Do soll Shein muer, Mëttwoch de 5. November, säi weltwäit éischte physesche Buttek opmaachen.
