Den demissionäre Sébastien Lecornu gouf jo um Freidegowend erëm vum franséische President Emmanuel Macron als Premier nominéiert. De Lecornu huet eng enorm Aufgab, déi ënner Zäitdrock muss gemaach ginn: Bis e Méindeg soll eng nei Regierung stoen an e Méindeg soll och de Budget fir d‘nächst Joer presentéiert ginn.
Hie riskéiert allerdéngs och dës Woch schonn ee Mësstrauensvott vun der Oppositioun. De Vott kéint schonn en Donneschdeg sinn. D‘Sozialisten, op déi de Lecornu ugewisen ass, wëllen d‘Regierung just dann net stierzen, wa se grouss Zougeständnisser – notamment bei der Pensiounsreform – mécht.
