De Marco Rubio gëtt kritiséiert, well hien hei de Wording vu Russland iwwerhëlt. Am Fernseeinterview irritéiert de Rubio och, well hien e grouss schwaarzt Kräiz op der Stier huet. Verschiddener gesinn doranner russescher Propaganda, anerer denken, dëst Kräiz wier vun Äschermëttwoch, wou déi Gleeweg esou e Kräiz op d‘Stier kréien. De Rubio gëtt vun der reliéiser Communautéit gefeiert, well hien sech géif trauen, seng Relioun ze affichéieren.
Weider russesch Ugrëff op d'Ukrain
Déi ukrainesch Energieinfrastruktur gouf hënt nees massiv mat russesche Rakéiten an Dronen attackéiert. 58 Rakéiten an 194 Drone wieren dobäi agesat ginn. Fir d‘éischte Kéier huet d‘Ukrain och franséisch Mirage-Kampfjetten agesat fir dës Attacken ofzewieren.
Um Dënschdeg sollen iwwerdeems amerikanesch an ukrainesch Delegatiounen a Saudi-Arabien zesummekommen. Iwwerdeems sollen en Dënschdeg Vertrieder vun de fënnef groussen europäesche Militärmuechte Frankräich, Däitschland, Italien, Polen a Groussbritannien zu Paräis zesummekommen.
Do soll d‘Militärënnerstëtzung fir d‘Ukrain koordinéiert ginn.
