Den Educatiounsminister Claude Meisch seet a senger Äntwert op d'parlamentaresch Fro vum ADR-Deputéierte Fred Keup datt d'Instruktioun un d’Regionaldirektiounen a Gemengen Deel vun der logistescher an organisatorescher Virbereedung wier, déi fir all gréisser schoulesch Reform noutwenneg wier.
Et wier och üblech, verschidden Organisatiounsmodalitéiten am Viraus ze analyséieren, fir eng gutt Transitioun ze erméiglechen. Et wier näischt dobäi, dat net reversibel wier. Wann de Gesetzesprojet net gestëmmt oder substantiell geännert gëtt, géifen och d’Preparatiounen ugepasst ginn.
