Laut den Dokumenter sollte Kottengscouetten an Holland geliwwert ginn. An der Liwwerung enthale waren awer 903 Päck mat all Kéiers tëschent 600 a 700 Gramm Marihuana. Alles an allem waren dat 600 Kilogramm Marihuana vun, toxikologeschen Analysen no, "gudder Qualitéit" steet am Communiqué vum Lëtzebuerger Parquet.
Holland huet Enquête iwwerholl
D‘Wuer gouf confisquéiert. An enger Operatioun zesumme mat den hollänneschen a belschen Autoritéite gouf se dann, ënner Opsiicht, un déi virgesinn Adress geschéckt.
Déi Persoun, déi d‘Drogen entgéint geholl hat, gouf du festgeholl. D‘Enquête gouf vun den hollänneschen Autoritéiten iwwerholl.
Fir dës Enquête net ze beaflossen, gouf elo réischt iwwer de Fall kommunizéiert, heescht et nach am Schreiwes vum Parquet.
