1969 huet de Michael Crichton de Roman “The Andromeda Strain” geschriwwen.
Den Titel suggéréiert, datt eppes Aussergewéinleches geschitt. Eng Weltraumkapsel kënnt zeréck op d’Äerd an all Awunner bei der Uertschaft Piedmont am Arizona si gestuerwen ... ausser e Puppelchen an en eelere Mann. De Project Wildfire leeft un! Ass et eng Kontaminatioun mat engem ausserierdesche Virus? D’Lieser:inne ginn duerch e spannend wëssenschaftlecht Abenteuer geféiert. Realistesch wëssenschaftlech Methoden a Schaffe gi beschriwwen, ouni langweileg ze ginn. 58 Joer duerno ass d’Buch mat senge visionären Iddien, den neien Erkenntnisser vun haut an awer änlechem mënschleche Verhalen nach méi spannend! Explikatioune ginn et mat der Physikerin Carol Eicher, déi och op d'Weltraumkapsel Artemis 2 kuckt, déi virun enger Woch gestart ass a Richtung Mound.
