Aus dem Liewen

An engem Kannerrot deele Kanner hir Meenungen, Wënsch a Bedierfnisser mat a ginn esou aktiv un Entscheedunge bedeelegt. D’Zil ass et hinnen eng Stëmm ze ginn a si mat anzebannen. An deem Sënn ass et och fir de Kannermusée PLOMM immens wäertvoll sech mam Projet Kannerrot ze beschäftegen. Dëse Kannerrot géif un Ausstellungen a Programme matschaffen, esou datt dës och wierklech den Interesse vun de Kanner entspriechen. Well wie kéint besser wëssen, wat Kanner léieren an erliewe wëllen, wéi d’Kanner selwer? Déi frësch a kreativ Perspektiven, déi d’Kanner matbréngen, wieren net nëmmen innovativ, mee géingen d’Kanner och an hire Kompetenze fërderen: andeems si hir Iddie mat abréngen, gëtt hir d’Verantwortungsgefill gestäerkt, déi gemeinsam Aarbecht am Kannerrot fërdert hir sozial Kompetenze wéi ënner anerem Empathie an Teamfäegkeet. Méi Detailer ginn et vun der Directrice vum Kannermusée, der Manon Eicher