Parental Control ass eng technesch Méiglechkeet, mat där Elteren d’Notze vun digitalen Apparater vu Kanner steiere kënnen. Si kënnen den Zougang zu bestëmmten Inhalter limitéieren, Bildschirmzäiten upassen oder och d’Kommunikatioun mat Drëtte kontrolléieren. D’Haaptzil ass et, Kanner virun onpassenden oder geféierlechen Inhalter ze schützen an hinnen eng sécher a kontrolléiert digital Erfarung ze erméiglechen.
Wichteg ass dobäi e Gläichgewiicht tëschent Sécherheet an der Privatsphär vun de Kanner ze fannen. Kontrollmoossname wéi Standuertverfollegung oder d’Iwwerwaachung vun Noriichten däerfe keng Form vu komplettem Iwwerwaachungsverhale ginn, mee solle just als Sécherheetsmoossnam déngen.
Nieft technesche Späre kënnen och kloer Familljereegelen hëllefe fir e gesonden Ëmgang mat digitale Medien ze fërderen. bildschirmfräi-Zäiten, reegelméisseg Gespréicher iwwer digital Risiken a bewosst Mediennotzung droen dozou bäi, datt Kanner eng verantwortungsvoll Online-Presenz entwéckelen. Explikatioune vum Jeff Kaufmann vu Bee-Secure
D’Helpline Nummer vu Bee Secure ass den 8002 1234 oder iwwer www.bee-secure.lu.