Wann eng Koppel sech trennt, gehäit dat an deene meeschte Fäll d’Liewe vun enger Famill op de Kapp. Suergen, Ängschten, Trauregkeet oder och Roserei belaaschten net nëmmen d’Elteren, mee och hir Kanner. Dacks kréien d’Kanner d’Gefill, datt si Schold sinn, wann hir Eltere sech streiden, ëmsou méi wa si sech trennen, wat zu Réckzuch oder Aggressioune féiere kann. Oder si entwéckelen Ängschten, wat hir Zukunft betrëfft: Wat geschitt elo mat mir? Wou wäert ech wunnen? Wäert ech mäi Papp oder meng Mamm nach gesinn? Bleiwe mir als Gesëschter zesummen oder gi mir getrennt? Muss ech d’Schoul wiesselen?
Alles dat si Froen, op déi Kanner Äntwerte brauchen. An der Erzéiungs- a- Familljeberodung kënnen Eltere sech Hëllef siche fir hire Kanner an dëser Zäit esou gutt wéi méiglech Ënnerstëtzung a Sécherheet ze bidden.
Explikatioune mat der Natascha Salomon, Diplom-Pädagogin a systeemesch Familljentherapeutin bei der Erzéiungs-a-Familljeberodung (www.erzeiungs-a-familljeberodung.lu)