Wat ass Geodiversitéit a firwat ass se relevant fir d’Erfuersche vum Patrimoine naturel?
Jiddwereen huet schonn emol de Begrëff Biodiversitéit héieren. Si ass ee wichtegen Deel vun der natierlecher Diversitéit, dozou gehéiert och d’Geodiversitéit.
D’Geodiversitéit ass en dacks vergiessenen Deel vun der natierlecher Diversitéit. De Begrëff ëmfaasst all geologesch Phenomeener, sief et d’Steng an d‘Bieden am Ënnergrond, awer och Prozesser wéi d’Evolution vun enger Landschaft, also d’Geomorphologie a Ressourcë wéi Grondwaasser oder mineralesch Rostoffer, déi am Buedem virkommen. Zu der Geodiversitéit gehéieren awer och Fossilien a Mineralien, déi zum Beispill am natur musée gesammelt ginn. Deen Deel vun der Geodiversitéit, deen duerch ee besonnesche wëssenschaftleche Wäert charakteriséiert ass, bezeechne mir dann als Geopatrimoine oder Patrimoine géologique. Dozou gehéieren ausgewielte geologesch Sitten, och nach Geotoper genannt a Sammlungen, déi deementspriechend erfuerscht a konservéiert ginn. D’Gestioun vu Geopatrimoine a besonnesch de geologesche Sammlunge gehéiert zu de Missioune vum natur musée, deen zesumme mat anere Partner wéi dem Geopark Mëllerdall och den Unesco Geodiversity Day zu Lëtzebuerg organiséiert.
Explikatioune vum Robert Weis, Plaeotholog vum natur musée
Erausgepickt: Expo: Luxembourg on the Rocks (11.10.2024-16.03.2025)