Aus dem Liewen
GERO-Kompetenzzenter fir den Alter
6 min
All Joer organiséiert GERO e Colloque, deen innovativ Léisunge fir aktuell Erausfuerderunge weist. Dëst Joer steet d’Theema mental Gesondheet am Mëttelpunkt, well d’Zuel vu Leit, déi ënner Einsamkeet leiden an eiser Gesellschaft ëmmer méi grouss gëtt. Besonnesch eeler Leit hunn dacks manner sozial Kontakter duerch physesch Aschränkungen oder wéinst enger méi klenger Famill. Dëst kann negativ Auswierkungen op d’psychesch Gesondheet hunn.
Dëst Joer presentéiert GERO d’Plattform TheSafeZone, déi vun der Petra Dahm, enger Expertin fir virtuell Realitéit, entwéckelt gouf. Dës Plattform soll e séchere Raum bidden, wou Leit aus alle Generatiounen a Kontakt triede kënnen. Dëst geschitt ënner professioneller Iwwerwaachung a mat der Méiglechkeet fir psychologesch Ënnerstëtzung. Zil ass et sozial Interaktiounen an der virtueller Realitéit ze fërderen, besonnesch fir Leit, déi wéineg reell Kontakter hunn an esou d'Folge vun der Einsamkeet ze erliichteren.
Den Event ass an zwee Deeler opgedeelt an ass den 22. November 2024 zu Bouneweg.
Am Nomëtteg sinn eeler Leit vu 60 un ageluede fir d’SafeZone-Plattform auszeprobéieren. D’Interaktioun gëtt vu Fachleit aus der Technologie an der Therapie begleet, fir en effikasse Feedback ze kréien an ze garantéieren, datt d’Participante sech wuel fillen.
Am Owend ass den Event fir Professioneller aus verschiddene Beräicher op, déi mat Leit schaffen, deenen et u sozialem Kontakt feelt. Dës Fachleit kënnen d’Plattform kenneléieren a mat der Grënnerin iwwer d’Méiglechkeeten an eventuell Suergen diskutéieren.
D’SafeZone soll real sozial Kontakter net ersetzen, mee éischter ergänzen. Vill eeler Leit fannen et méi wichteg, wéineg, awer qualitativ héichwäerteg Kontakter ze hunn. Dëst virtuellt Ëmfeld kann eng Chance bidden, och fir déi, déi soss duerch de gesellschaftleche Raster falen, sozial Bezéiungen opzebauen. GERO gesäit dëst als ee Schrëtt a Richtung innovativ a wäertvoll sozial Interaktiounen, déi an der digitaler Zäit e positiven Impakt op d’Liewensqualitéit am Alter kënnen hunn.
Mam Alain Brever, Direkter vum Gero Kompetenzzenter fir den Alter (www.gero.lu)
Link fir Aschreiwung: https://www.gero.lu/de/produit/jahrestagung-thesafezone
Presentéiert vum
- Angie Maquil
Episoden
Erzeiungs- a Familljeberodung
Eng kooperativ Eltereschaft ass grad bei Kanner mat getrennten Eltere ganz wichteg. D’Erzéiungs- a Familljeberodung ënnerstëtzt Famillen op dësem dacks schwéiere Wee.
Eltereschoul J. Korczak
Triple P, Positiv Parenting Programm, heescht fräi iwwersat positiven Erzéiungs- oder Eltereprogramm. Zanter 20 Joer am Programm vun der Eltereschoul - 1/2
natur musee
Geodiversitéit an Geoheritage
GERO - Kompetenzzenter fir den Alter
Ob ee jonk Leit freet oder méi eeler Leit, déi meescht wëllen am Fall vu Fleegebedürftegkeet doheem bleiwen.
CID | Fraen an Gender
Fraen zeréck hanner d’Dëppen? De Wonsch no traditionelle Geschlechterrolle vereent Incels, Antifeministen a Maskulisten.
ErwuesseBildung
Kreativitéit bei Kanner
