Am Gebai Jean-Pierre Welter vun der Primärschoul zu Jonglënster ass de Moie géint 9:00 Auer ee Feier ausgebrach. Duerch eng séier Interventioun vun den zoustännegen Déngschter wier d'Situatioun séier ënner Kontroll bruecht ginn, schreift d'Gemeng Jonglënster an engem Communiqué.
Keng Persoun wier blesséiert ginn.
Als Virsiichtsmoossnam goufen d'Schüler:innen an d'Sportshal nieft der Schoul bruecht. Si géifen do aktuell betreit ginn.
Den Accueil fir haut wier assuréiert an de Fonctionnement vun der Betreiung garantéiert, esou d'Gemeng.
