Den Dënschdeg war d'Waasser nach net propper genuch, an den Triathlon vun de Männer war ofgesot an op haut verluecht ginn.
Beim Triathlon vun de Fraen, deen de Moien um 8 Auer ufänkt, ass fir Lëtzebuerg d’Jeanne Lehair derbäi. Si war zejoert Europameeschterin. De Lëtzebuerger Chef de Mission Raymond Conzemius hat gesot, hie géif der Jeanne Lehair d'Lëtzebuerger Toppleeschtung zu Paräis am meeschten zoutrauen.
Nieft hir sinn haut fir Lëtzebuerg och nach d'Ni Xia Lian am Dëschtennis an den Nicolas Wagner-Ehlinger am Dressurreiden am Asaz. Déi 61-Joer al Ni Xia Lian spillt an de 16.-Finalle vum Dëschtennis-Simpel um 11 Auer géint déi 23-Joer-al Nummer 1 op der Welt, d'Sun Yingsha aus China. An den Dressurreider Nicolas Wagner-Ehlinger trëtt kuerz no hallwer 3 an der Qualifikatioun un.