D‘Lëtzebuerger Regierung wëllt vun där wallounescher och wëssen, ob ee bei der Vignette Ausname fir d‘Police, Pompjeeën an aner Kategorie kéint maachen.
Allgemeng fuerdert Lëtzebuerg vun de wallouneschen Autoritéite Clarifikatiounen iwwert de méiglechen Impakt vun esou enger Autobunnsvignette op d‘Frontalieren, d‘Awunner, de Camionstrafic an d‘Wirtschaft.
Lëtzebuerg fäert, datt eng Autobunnsvignette an der Belsch vill negativ Impakter kéint hunn.
"Groussregioun hätt Eegenschaften, déi ee misst erhalen"
D‘Lëtzebuerger Regierung géif d‘Souveränitéit vun der Belsch bei Decisiounen an der Stroossepolitik unerkennen. Mee d‘Groussregioun hätt als Grenzgebitt Eegenschaften, déi een onbedéngt misst erhalen, sou d‘Yuricko Bakes an de Xavier Bettel.
