Weider Schrëtt, och net-diplomatescher Natur, sollen nokommen. Detailer huet de polneschen Ausseminister awer net genannt.
Warschau gehäit dem russesche Geheimdéngscht vir, hannert der Sprengstoffattack ze stiechen. Beim Virfall ass zwar kee blesséiert ginn, ma Polen ass der Meenung, datt d‘Zil vum Ugrëff wuel war fir Leit ëmzebréngen. An dat wier keng Sabotage méi, mee Staatsterrorismus. De Kreml bedauert de Verfall vun de Relatioune mat Polen.
Zwee Ukrainer stinn am Verdacht hannert der Dot ze stoen. Si sollen am Optrag vu Russland agéiert hunn a sech no der Dot a Belarus ofgesat hunn, heescht et.
Grouss Hoffnungen, datt Belarus se ausliwwert, hätt een awer net, esou de polneschen Ausseminister. Belarus ass een enken Alliéierte vu Russland.
