No dräi Observatiounsflich mat Helikopteren hätt ee keng gréisser Fuite gesinn, mellt déi brittesch Küstewuecht.
Um Cargo-Schëff “Solong” géifen et ëmmer nach kleng Bränn ginn. D’Schëff wier awer mëttlerweil op eng sécher Plaz ofgeschleeft ginn.
Een Doudegen
D’Cargo-Schëff war e Méindeg mam Pëtrolstanker “Stena Immaculate” virun der englescher Küst kollidéiert. Béid Schëffer waren a Brand geroden. Den Tanker hat 35 Millioune Liter Fligerbensinn gelueden, déi wieren awer bei de Bränn verdämpt. Dat mellt d’US-Entreprise “Crowley”, déi fir den Tanker zoustänneg ass.
D‘Ursaach vum Ongléck ass nach net kloer. Et gouf een Doudegen. Déi 36 Membere vun der Besatzung goufe sécher u Land bruecht. De russesche Kapitän vum Cargo-Schëff “Solong” gouf wéinst Verdacht op “Homicide parnégligence” festgeholl.
