De Generaldirekter vun der Liichtathleetik-Federatioun FLA, de Jean-Sébastien Dauch, ass zouversiichtlech, datt d’Editioun 2026 vum Meeting dëse Sonndeg an der Coque erëm ee gudde Cru wäert ginn.
“Je pense qu'on va avoir une édition fabuleuse, après une édition 2025 magnifique. (...) On a une date en début de saison qui convient parfaitement aux athlètes élites mondiales.”
Donieft hätt ee gutt Konditiounen an der Coque, esou den FLA-Generaldirekter.
Ass den Organisateur vum Meeting fräi de Programm vum Meeting ze bestëmmen, also d’Liichtathleetik-Disziplinne kënnen ze wielen?
“Oui, nous avons le choix. Alors bien évidemment on doit regarder avec les autres meetings qui se dérouleraient en même temps s'il n'y a pas de concurrence et tout ça. Mais comme on est un des premiers meetings, c'est l'avantage, on n'a pas vraiment de concurrence sur nos dates.”
Déi béid Sportler vum Joer 2025 triede beim Meeting un
Um Programm vum Meeting dëse Sonndeg an der Coque stinn 12 Disziplinnen: sechs bei de Hären a sechs bei den Dammen. D’Wiel dovu gëtt op d’mannst zum Deel getraff, no de preferéierten Disziplinne vun de Lëtzebuerger Athleeten. Wäerte si all um Rendez-vous sinn?
“Patrizia van der Weken sera présente ainsi que Ruben Querinjean, donc les deux sportifs de l'année 2025. Il y aura aussi Fanny Arendt qui a une forme éblouissante et qui, je pense, va faire des étincelles sur les 800 mètres. On aura Victoria Rausch qui fait son retour après une absence l'an dernier. On aura aussi des jeunes, donc Jory Teixeira et Linda Krombach qui vont rencontrer le très haut niveau.”
D’Vera Bertemes-Hoffmann wäert beim Meeting net untrieden. Si mécht eng Paus. Si wier awer ganz present an der Organisatioun, esou den FLA-Generaldirekter am 100,7-Interview.
Beim CMCM Luxembourg Indoor Meeting 2026 géif ee mat iwwer 2.500 Spectateure rechnen.
De Maurice Molitor huet sech mam Generaldirekter vun der Liichtathleetik Federatioun FLA, mam Jean-Sébastien Dauch, iwwer dëse Meeting ënnerhalen.
