Dorop géifen ënner anerem d’Faiten hiweisen, datt hien d’Plaz no beim Scheedgen kucke war, wou hien d’Affer, wéi hie selwer sot, dono “entsuergt” hat, an datt hie probéiert hätt, d’Dot ze vertuschen.
Fir d’Me Lynn Frank, Affekotin vum Beschëllegten, hätt dogéint kee Virsaz virgeleeën. De Client impulsiv reagéiert. Dofir sollt eng Strof “wäit ënner Liewenslänglech” gesprach ginn.
De Beschëllegte selwer sot, hie géif d’Dot bis haut net verstoen. Et wier schrecklech, wat hie gemaach hätt, mee hien hätt dat net geplangt.
De Mann hat no der Dot fir d’éischt eng Vermësstemeldung opginn, ier hie 5 Deeg no der Dot zouginn hat, d’Fra ëmbruecht ze hunn.
D’Uerteel gëtt de 25. Februar gesprach.
