Déi riets Randaléierer si vun der Police mat Waasserwerfer dovun ofgehale ginn an d'Flüchtlingsheem ze goen. D'Police gouf mat Géigestänn attackéiert.
Och schonn déi Nuecht virdru war et eskaléiert. Haiser goufen ugefaangen a Leit hu missen a Sécherheet bruecht ginn. Déi riets Randaléierer hunn och islamfeindlech Spréch op d'Fassade gesprayt.
Zu den Onroue koum et, nodeems eng Persoun bei enger Messerattack schwéier blesséiert gouf. De presuméierten Täter ass een 30 Joer ale Mann aus dem Sudan. Hie gouf wéinst versichtem Mord ugeklot.
D'Famill vum Affer huet elo een Appell gemaach fir roueg ze bleiwen.
De brittesche Premier Keir Starmer huet vu schockanten an inakzeptabelen Zeene geschwat, déi direkt missten ophalen.
Lauschtert hei de Bäitrag vun eiser Korrespondentin Marie Billon
