Kultur um 5
Kultur um 5
Am Kader vun “The Collective Laboratory", sinn aktuell sechs Kënschtler-Kollektiver aus sechs verschiddene Stied am Mudam fir eng Residenz. D'Visiteure kënnen hinnen do aktuell bei hirer Aarbecht iwwer d'Schëllere kucken. An dat huet d'Kerstin Thalau och scho gemaach a stellt eis haut den “Gobyfish-Collective” vu London vir.
Dann hu mir vun haut un e klenge Foto-Adventskalenner fir Iech. Et geet ëm de Christian Aschman, deen dat ganzt Joer iwwer Fotoe vum Kierchbierg gemaach huet, Momentopname vun engem Quartier, dee sech dauernd verännert. Zesumme mam Fotograf kuckt de Joé Birchen op eng vun dëse Fotoen zeréck.
Mir hunn och nach e klenge Concertstipp: dëse Sonndeg spillt déi amerikanesch Band Sextile an de Rotonden. De Marc Clement hat d'Geleeënheet mat hinnen iwwer de Concert an hir aktuell Tour ze schwätzen.
Presentéiert vum
- Pit Walté