Webinar
Kultur an der Schoul - eng Konscht fir sech?
87 min
Kultur - an dësem Fall den Iwwerbegrëff fir kreativ Schafensberäicher wéi Musek, Danz, Zeechnen, Literatur - soll an der Schoul Kanner vermëttelt ginn a si ureegen, sech fir Kultur ze interesséieren. An der Leeschtungsgesellschaft fält Kultur gär ewech do wou aner Aufgaben als “méi wichteg” ugesi ginn.
Wat ass de Stellewäert vun der Kultur an eiser Schoul? Ass genuch kreatiivt Schaffen um Stonneplang? Oder misst ee Kultur als Wäert méi fachiwwergräifend an d’Léierpläng afléisse loossen?
Ass et de Choix vum Léierpersonal, wat e Schüler a Saache Kultur mat op de Wee kritt an der Grondschoul? An am Lycée, geet et duer, wann een ZWOU Stonnen Education artistique an eng Stonn Musek enseignéiert? Oder misst d’Vermëttele vun ästheetesche Wäerter méi breetgefächert agesat ginn? Wat ass d’Plus-value vun de kreative Schafensprozesser fir Schüler a Schülerinnen? Ginn iwwer Musek, Danz, Literatur an Zeechne respektiv Konschtunterrecht net och Kompetenze gefestegt, déi ee jonke Mënsch am anere Fall vläicht just a senger Fräizäit kultivéiert?
Offere fir Kultur entweder vu baussen an d’Schoulen eranzebrénge ginn et vill. Donieft bidden och vill Acteure baussent der Schoul speziell Programmer fir Kanner a Jugendlecher un. Wouvun hänkt et of, ob Kanner mat Kultur a Beréierung kommen an de Wäert vun der Ästheetik kenneléieren? A wat kann dat beschtefalls bei hinne bewierken?
Wéi kann ee Kanner a spéider Jugendlecher de Wäert vu Kultur nobréngen?
Am Webinar schwätze véier Invitéen iwwer d’Konscht, jonke Mënschen ze weisen, wat hinne Kreativitéit a Schafensprozesser ka bréngen.
Ronderëm den Dësch sëtze fir dëse Webinar:
- Manon Eicher, Directrice vum Kannermusée Plomm
- Nadine Erpelding, Conseillère de Gouvernement Kulturministère
- Bob Minette, Musekspedagog, SCRIPT
- Nathalie Moyen, Metteur en scène an Danzpedagogin, SCRIPT
Moderatioun: Natasha Ehrmann
Am Laf vum Gespréich héiere mir och verschidden aner Stëmmen iwwer d’Theema Kultur an der Schoul, a jiddwereen, deen interesséiert ass, ka seng Froe stellen iwwer d’WhatsApp-Nummer 621 44 00 44 oder per Mail op fro@webinar.lu.
D'Gespréich gëtt och live iwwer d'Säit www.100komma7.lu videogestreamt.
Episoden
E Léierplang fir d’Zukunft - Plan d’études 2025
Wat muss an der Mëtt vum 21. Joerhonnert geléiert ginn? Wéi eng Léierberäicher si wichteg? Wat fir eng Materialie gi fir den Unterrecht gebraucht? An Zesummenaarbecht mam Script
Lycée? Spéidere Beruff? Talentsich?
Äntwerte ginn et op der Schoulfoire an an dëser Diskussioun iwwer d’Theema vun der Orientatioun an d’Méiglechkeete vum Bildungssystem. An Zesummenaarbecht mam Script
Kultur an der Schoul - eng Konscht fir sech?
Wat ass de Stellewäert vun der Kultur an eiser Schoul? Ass genuch kreatiivt Schaffen um Stonneplang? Oder misst ee Kultur als Wäert méi fachiwwergräifend an d’Léierpläng afléisse loossen? An Zesummenaarbecht mam Script
Vu Lego bis Robotik - Spilles Léiere fir d’Zukunft
Iwwer d'Entwéckele vun den néidege Kompetenzen an de Wee vum Verstoe vu komplexe Prozesser an der Robotik an an den digitale Wëssenschafte geet rieds am Webinar.
Deng Stëmm zielt! Participatioun vu Kanner a Jonker
Wéi ka Participatioun an der formaler an an der informeller Bildung zu Lëtzebuerg, souwuel an wéi baussent der Schoul gefërdert ginn?
Alphabetiséierung op Franséisch
"zesumme wuessen!" e Pilotprojet, deen a véier Schoulen ugelaf ass. Firwat ass eng Alphabetiséierung, sou no wéi méiglech un der staarker Sprooch vum Kand, wichteg?
Tabula Rasa mam Tabu - schwiereg Theemen an der Grondschoul
An Zesummenaarbecht mam SCRIPT an dem Institut de formation de l'Éducation nationale (IFEN) an och live iwwer Video op der Internetsäit www.100komma7.lu gestreamt
Den Ëmgang ma AI an der Schoul
Wat ass Artifiziell Intelligenz? Wat musse Schülerinnen a Schüler iwwer de Fonctionnement vun AI wëssen? Wat fir e Basiswësse muss een hunn?
Kannerrechter: Participatioun, Schutz a Fërderung
Eng Live-Diskussioun vum SCRIPT a radio 100,7 mat Experten a Jonken. Diskutéiert mat: fro@webinar.lu; WhatsApp-Message 621 44 00 44.
Den Entrepreneursgeescht an der Educatioun
Kommunikativ, kollaborativ, kreativ a kritesch denken - den Entrepreneursgeescht an der Educatioun.
Léieren dobaussen - D'Ëmwelt als Unterrechtsmaterial
Iwwer d'Méiglechkeeten, déi et fir en Unterrecht ausserhalb vum Klassesall ginn a wéi ee sech am beschten uleet, fir op dee Wee ze goen.
Orientatioun an der Educatioun
Déi éischt national Schoulfoire ass vum 2.-4.5. Experte spanen am Virfeld e grousse Bou vun der Schoulorientatioun an der Grondschoul, am Secondaire an an der Beruffsausbildung.
D'Erausfuerderunge vun der Alphabetiséierung zu Lëtzebuerg
Traditionell geschitt d'Alphabetiséierung an der Lëtzebuerger Schoul op Däitsch: heirëm stelle sech awer vill Froen, déi am Mëttelpunkt vun dësem Webinar stinn.
Museksunterrecht am Enseignement
D'Reform vum Museksunterrecht soll fir d'Rentrée 2022 gräifen an eng vun den Haaptnouvellen ass, datt den Enseignement musical vun deem Ament u fir Kanner gratis gëtt.
ADHS
Eng Diagnos, keng Meenung! Wisou eng Fréierkennung wichteg ass, an den ADHS een dat ganzt Liewe laang begleet.
Franséisch an der Schoul
Quasi zanter Lëtzebuerg existéiert, gëtt Franséisch am Schoulsystem enseignéiert. A genee esou laang gëtt d'Sprooch vu villen als schwéier ze léieren an ze schwätzen empfonnt.
