Webinar
Deng Stëmm zielt! Participatioun vu Kanner a Jonker
Participatioun ass ee vun de véier grondleeënde Prinzippie vun de Kannerrechter. Fir de Courage ze hu seng Meenung ze äusseren, ass et wichteg, datt Kanner a Jonker wëssen, datt si d’Recht hu gehéiert an eescht geholl ze ginn.
Andeems een hinne Participatioun bäibréngt, léiere si hir Usiicht argumentéieren a sech esou an der Gesellschaft, op hirer Aarbecht, an der Fräizäit an an hirem Privatliewen anzebréngen. Just duerch Participatioun léiert een, datt een eppes ka bewierken. Dës Eegewierksamkeet ass wichteg fir eng Demokratie, déi all Bierger wëllt mathuelen.
Participéiere kann een deemno net nëmmen, wann ee volljäreg oder politesch aktiv ass.
Schonn an der Maison relais kann ee Kanner weisen, wat et heescht, sech an eng Decisioun anzebréngen, sech ze engagéieren a selwer dozou bäizedroen, datt eppes, wat geplangt gëtt, och e bëssen esou gëtt, wéi ee sech dat virstellt.
Participatioun motivéiert fir sech ze engagéieren.
Fir datt ee gutt ka participéieren, muss een üben: sech virbereeden, léiere mat Géigenargumenter eens ginn, ofweien, iwwerzeegend sinn, e Konsens fannen.
An dësem Webinar kucke mir, wéi Participatioun an der formaler an an der informeller Bildung zu Lëtzebuerg, souwuel an der Grondschoul wéi am Lycée, awer och baussent der Schoul ka gefërdert ginn. Wat sinn Hürden? Wie muss alles agebonne ginn? Wat kréien ech zeréck, wann ech vu mengem Recht op Participatioun Gebrauch maachen? An zu wat engagéieren ech mech? Kann ech engem anere Participatioun bäibréngen? Andeems ech se virliewen? Oder an der Schoulgemeinschaft e Parlament opbauen?
Iwwer d’Wichtegkeet vu Participatioun fir jiddweree schwätzen an dësem Webinar:
• de Marc Birchen, Geschichtsprofesser an nationale Coordinateur vun den Debate Clubs (SCRIPT)
• d’Jana Degrott, Social Entrepreneur, Grënnerin vu WeBelong, fërdert jonk Politik-interesséiert Leit
• de Sam Elsey, Schüler am Lycée Aline Mayrisch, President vum Schülercomité, President vum Jugendparlament
• d’Vanessa Reinsch, Mataarbechterin vum Zentrum fir politesch Bildung (ZpB)
Donieft héiere mir Aussoe vu Mënschen, déi sech schoulesch oder ausserschoulesch mat der Participatioun befaassen.
De Webinar gëtt vum Natasha Ehrmann vum radio 100,7 moderéiert.
Episoden
E Léierplang fir d’Zukunft - Plan d’études 2025
Wat muss an der Mëtt vum 21. Joerhonnert geléiert ginn? Wéi eng Léierberäicher si wichteg? Wat fir eng Materialie gi fir den Unterrecht gebraucht? An Zesummenaarbecht mam Script
Lycée? Spéidere Beruff? Talentsich?
Äntwerte ginn et op der Schoulfoire an an dëser Diskussioun iwwer d’Theema vun der Orientatioun an d’Méiglechkeete vum Bildungssystem. An Zesummenaarbecht mam Script
Kultur an der Schoul - eng Konscht fir sech?
Wat ass de Stellewäert vun der Kultur an eiser Schoul? Ass genuch kreatiivt Schaffen um Stonneplang? Oder misst ee Kultur als Wäert méi fachiwwergräifend an d’Léierpläng afléisse loossen? An Zesummenaarbecht mam Script
Vu Lego bis Robotik - Spilles Léiere fir d’Zukunft
Iwwer d'Entwéckele vun den néidege Kompetenzen an de Wee vum Verstoe vu komplexe Prozesser an der Robotik an an den digitale Wëssenschafte geet rieds am Webinar.
Deng Stëmm zielt! Participatioun vu Kanner a Jonker
Wéi ka Participatioun an der formaler an an der informeller Bildung zu Lëtzebuerg, souwuel an wéi baussent der Schoul gefërdert ginn?
Alphabetiséierung op Franséisch
"zesumme wuessen!" e Pilotprojet, deen a véier Schoulen ugelaf ass. Firwat ass eng Alphabetiséierung, sou no wéi méiglech un der staarker Sprooch vum Kand, wichteg?
Tabula Rasa mam Tabu - schwiereg Theemen an der Grondschoul
An Zesummenaarbecht mam SCRIPT an dem Institut de formation de l'Éducation nationale (IFEN) an och live iwwer Video op der Internetsäit www.100komma7.lu gestreamt
Den Ëmgang ma AI an der Schoul
Wat ass Artifiziell Intelligenz? Wat musse Schülerinnen a Schüler iwwer de Fonctionnement vun AI wëssen? Wat fir e Basiswësse muss een hunn?
Kannerrechter: Participatioun, Schutz a Fërderung
Eng Live-Diskussioun vum SCRIPT a radio 100,7 mat Experten a Jonken. Diskutéiert mat: fro@webinar.lu; WhatsApp-Message 621 44 00 44.
Den Entrepreneursgeescht an der Educatioun
Kommunikativ, kollaborativ, kreativ a kritesch denken - den Entrepreneursgeescht an der Educatioun.
Léieren dobaussen - D'Ëmwelt als Unterrechtsmaterial
Iwwer d'Méiglechkeeten, déi et fir en Unterrecht ausserhalb vum Klassesall ginn a wéi ee sech am beschten uleet, fir op dee Wee ze goen.
Orientatioun an der Educatioun
Déi éischt national Schoulfoire ass vum 2.-4.5. Experte spanen am Virfeld e grousse Bou vun der Schoulorientatioun an der Grondschoul, am Secondaire an an der Beruffsausbildung.
D'Erausfuerderunge vun der Alphabetiséierung zu Lëtzebuerg
Traditionell geschitt d'Alphabetiséierung an der Lëtzebuerger Schoul op Däitsch: heirëm stelle sech awer vill Froen, déi am Mëttelpunkt vun dësem Webinar stinn.
Museksunterrecht am Enseignement
D'Reform vum Museksunterrecht soll fir d'Rentrée 2022 gräifen an eng vun den Haaptnouvellen ass, datt den Enseignement musical vun deem Ament u fir Kanner gratis gëtt.
ADHS
Eng Diagnos, keng Meenung! Wisou eng Fréierkennung wichteg ass, an den ADHS een dat ganzt Liewe laang begleet.
Franséisch an der Schoul
Quasi zanter Lëtzebuerg existéiert, gëtt Franséisch am Schoulsystem enseignéiert. A genee esou laang gëtt d'Sprooch vu villen als schwéier ze léieren an ze schwätzen empfonnt.
