Aus dem Liewen

Mat enger Plomm kann e schreiwen - seng Iddien, seng Geschichten. Mee eng Plomm ass nach vill méi: si gëtt eis d’Méiglechkeet eiser Fantasie a Kreativitéit fräie Laf ze loossen, nei Welten ze erfannen oder och ongewéinlech Äntwerten op d’Erausfuerderunge vun eiser Zäit ze fannen. De Kannermusée PLOMM invitéiert d’Kanner genee dat ze maachen: ze denken, ze entdecken an dobäi hir eege Stëmm ze fannen, fir sech auszedrécken. Andeems de Kanner de Raum fir hir Iddien a Meenungen auszebauen a si an der Ëmsetzung ënnerstëtzt ginn, ginn nohalteg Verännerunge geschaf. Méi Detailer ginn et vun der Directrice vum Kannermusée, der Manon Eicher.