Aus dem Liewen

An dëser Emissioun schwätze mir ee wichtegt Theema bei Kanner un: Resilienz. Mir beäntwere Froen, wat Resilienz bei Kanner bedeit, firwat se esou entscheedend fir déi psychesch Gesondheet ass a wéi Elteren d’Entwécklung vu Resilienz positiv ënnerstëtzen an hir Kanner stäerke kënnen. Dobäi spillen eng emotional sécher Bezéiung mat den Elteren, de gesonden Ëmgank mat Emotiounen, d’Fërderung vu Selbstwirksamkeet an eng strukturéiert Routine eng wichteg Roll, fir d’Fäegkeet ze entwéckele mat Krisen a Réckschléi gekonnt ëmzegoen. Den Thierry Aumer, Psycholog bei der Erzéiungs- a Familljeberodung, huet och e puer praktesch Beispiller, wéi ee Resilienz bei Kanner a Jugendleche konkreet stäerke kann.