Nei modern Grousselteren. Wéi a firwat si si anescht wéi fréier, a firwat ass hir Roll haut wichteg als Virbildfunktioun?
Grousselteren ass een haut vill méi laang wéi fréier, well mir statistesch gesi méi laang liewen. Grousseltere bleiwe méi laang gesond wéi fréier, huele méi laang aktiv um Liewe vun der Famill an der Gesellschaft deel. Vill vun hinne kréien haut mat, wéi hir Enkele grouss ginn, erliewe souguer nach d‘Gebuert vun den Urenkelen.
Senior si bedeit haut net méi doheem ze setzen a vill Zäit ze hunn. Seniore vun haut, dorënner also och d’Grousselteren, fannen an eiser Gesellschaft haut villes, wat dës Etapp vill méi spannend an interessant mécht wéi fréier. Si hunn d‘Méiglechkeet nei Hobbyen auszeprobéieren, vill ze reesen, kierperlech, sportlech aktiv ze bleiwen, ze studéieren asw. Dëst bedeit fir Grousselteren, datt si dës Angeboter mat hirer Aufgab als Boma/Bopa kombinéiere mussen. Si sinn net méi ëmmer disponibel, hunn hir eegen Agenda, wëllen hir Zäit opdeelen tëschent Famill, Frënn an Hobbyen.
Dat wichtegst fir d’Grousselteren ass, datt si sech “däerfe” këmmeren, an net “musse” këmmeren.
An dësem éischten Deel schwätze mir doriwwer, firwat Grousseltere si sech vill verännert huet, datt si sech vill Gedanke maachen, wéi “modern” Grousselteren ausgesinn, a firwat Grousseltere mat Presidente vu Betriber kënne verglach ginn an datt hinne Virbiller feelen.
Mat der Jeannine Schumann, Chargée de Direction vun der Eltereschoul J. Korczak
Erausgepickt:Jeudi, 12.02.25 / 18.00-20.00 Rules and limits in education
Hesperange/Howald, 33, rue de Gasperich, Eltereforum
