Fleegeversecherung doheem
An de leschte Joren ass de Wonsch bei de Leit gewuess, esou laang wéi méiglech doheem ze bleiwen, och wa si fleegebedürfteg ginn. Eng Etude aus Däitschland weist, datt iwwer d’Hallschent vun de Leit sech doheem fleege loosse wëllen. Dës Tendenz gesäit een och an de Statistiken: den Duerchschnëttsalter bei der Opnam an Altersheemer läit bei 83,5 Joer.
Den Interview thematiséiert d’Méiglechkeete vun der Fleeg doheem a wéi mobil Fleegeservicer dës ënnerstëtzen. Trotz Virdeeler vun der Fleeg doheem - wéi méi héich Autonomie - ass et net fir jiddweree passend, besonnesch wann een eleng wunnt an net genuch sozial Kontakter huet. Déi mobil Servicer, déi duerch d’Fleegeversécherung méi bedeitend goufen, kënnen eng Léisung bidden, och wann d’Hëllef net direkt sur Place ass.
Fir Koppelen, wou ee Partner un der Fleeg bedeelegt ass, ginn d’Schwieregkeete beliicht, well d’Ausmooss vun dëser Aufgab dacks ënnerschat gëtt. GERO riicht sech dofir mat Infoversammlungen un déi Betraffen an hir Famillen, fir iwwer mobil Fleegeservicer ze informéieren an hinnen déi néideg Ënnerstëtzung ze bidden.
Mam Alain Brever, Direkter vum Gero Kompetenzzenter fir den Alter (www.gero.lu)