Kultur
En Owend mam Auteur Romain Butti um LiteraTOUR 2021
De Romain Butti, Joergang 1989, huet däitsch an englesch Literaturwëssenschaften zu Freiburg (D) studéiert, éier hien zu Berlin als Social-Media-Manager geschafft huet. No sengem Openthalt an der däitscher Metropol huet hien eng Zäit an Neuseeland gelieft, wou virun allem déi oppe Mentalitéit an déi vast Natur hien déif beandrockt hunn. Dës Andréck verschafft den Auteur a senger Novell "Ein Jahr in Berlin", déi 2019 bei Kremart Edition an der Kanephora-Rei verëffentlecht gouf.
"Fir wann ech net méi kann" ass dem Auteur säin éischt Theaterstéck, fir dat hien 2018 den éischte Präis beim Nationale Literaturconcours krut. Et koum 2020 bei Kremart Edition an der Serie Timba eraus - e Stéck mat poetesche Biller an enger intensiver Atmosphär ronderëm en Haaptpersonnage, deen an enger déiwer, perséinlecher Kris stécht. DʼStéck ass och dʼBasis vum Projet "The End My Friend", deen am Mäerz 2021 online ze gesi war mat Philippe Meyrer, Konstantin Rommelfangen an Annette Schlechter, ënner der Regie vum Ronald Dofing a mat Musek vum Bartleby Delicate. Fir de Projet Connection vum Kinneksbond Mamer an de Stater Theateren gouf 2020 ënner der Regie vum Fabio Godinho dem Romain Butti säi Monolog "Erop" opgeféiert.
Am Kader vum Literatur-Festival zu Beetebuerg, LiteraTOUR 2021, hat dee jonken Auteur d'Méiglechkeet iwwer seng Wierker an Inspiratiounsquellen ze schwätzen. "En Owend mat dem Auteur Romain Butti", esou war d'Evenement vum 18. Abrëll iwwerschriwwen, dat vum Valerija Berdi moderéiert gouf.
Lauschtert dat ganzt Gespréich (Fir déi schlecht Tounqualitéit, entschëllege mir eis!)
Enregistrement a Montage: Carlo Link
Extraiten "Ein Jahr in Berlin"
Episoden
Hanner den Téin
A sengem neie Podcast invitéiert den Dirigent Pit Brosius an déi perséinlech Welt vun der Neier Musek.
Invasioun a Besatzung
Permanent Ausstellung am Musée vun der Resistenz a vun de Mënscherechter
"Luxemburg war nie eine Kolonialmacht: Eine kritische Einführung“
Am Gespréich mam Yves Schmitz, Michelle Liesch a Susanne Jaspers
Spot on Brass
Spot on Brass ass eng Serie vun Evenementer, an där Blechblosinstrumenter am Mëttelpunkt stinn. Den nächste Concert ass Enn November am CMNord.
Kim Deal - Nobody Loves You More
Ee Saz vun der Mamm
Margret Steckel an d‘Susanne Jaspers
D'Gewënnerin vum Lëtzebuerger Buchpräis an der Kategorie Literatur an hir Editrice (Capybarabooks)
Eng "stëll Chrëschtnuecht" mat Akkordeon
Ee gesellschaftskritesche Concert mat Humor a ville Facette presentéieren d'Josée Bourg an den Akkordeonist Frin Wolter.
Norma Jeane Baker de Troie am Théâtre du Centaure
Wat, wann d’Helena ni zu Troja gewiescht wier? Wat, wann et eng Wollek, ee Mirage gewiescht wier, deen de Paris entféiert hätt?
Plackerezensioun: "Night Palace" vu Mount Eerie
Mat “Night Palace” huet Mount Eerie, aka Phil Elverum, ee monumentalen Duebelalbum verëffentlecht, dee gläichzäiteg experimentell an zougänglech, homogeen an divers, donkel an hoffnungsvoll ass.
"Physesch zesummekomme fir Mënschen ze sinn"
Den Donato Rotunno iwwer säin Documentaire "La Fourchette à gauche", deen d'Geschicht vum Stater Kultbistro Circolo Curiel nozeechent.
La harpe à Paris
E Concert ActArt am Stater Conservatoire, bei deem d'Harf am Vierdergrond steet.
10 Joer Gudde Wëllen
De Café an der Stad feiert Gebuertsdag mat vill Musek
Um Radar - ënner der Woch
Den Nicolas Calmes aktivéiert säi Radar a verréit Iech, wat fir eng kulturell Highlighten Dir ënner der Woch net sollt verpassen.
En Duo wéi en Diamant
"Glass Two" - Deen neien Album vum Vibraphonist Pascal Schumacher an der Pianistin Danae Dörken
Luxembourg Art Week
77 Galerien a Kënschtlerkollektiver erwaarden d’Visiteuren dëse Weekend op der Luxembourg Art Week. Ausgestallt gi Wierker vu Kënschtler a Kënschtlerinnen, déi d’Galerien an d’Kollektiver selwer ausgewielt hunn.
