Den Äiskënschtler, deen d’Skulptur geschafen hat, gouf zu engem Joer Prisong mat Sursis an zu enger Geldstrof vu 5.000 Euro verurteelt.
Ee vu senge Mataarbechter krut néng Méint Prisong mat Sursis an eng Geldstrof vu 1.500 Euro.
E Responsable fir Evénementer beim Tourismusbüro LCTO gouf fräigesprach, an de “Luxembourg City Tourist Office” selwer krut keng Geldstrof.
Déidlecht Accident 2019
Virun eppes méi wéi sechs Joer war e Stéck vun enger Äisskulptur op e Jong vun zwee Joer gefall: de Jong hat d’Accident net iwwerlieft.
Néng Beschëllegter souwéi den LCTO kruten ënnert anerem wéinst Homicide involontaire de Prozess gemaach. D’Eltere vum Affer kruten eppes méi wéi 160.000 Euro Schuedenersatz zougesprach, an aacht weider Niewekläger kruten zesummen 90.000 Euro.
