Gëschter um Méindeg sot den Donald Trump, de venezuelanesche President Nicolás Maduro hätt besser ze goen.
UNO-Weltsécherheetsrot befaasst sech mam Theema
Déi amerikanesch Ministerin fir de Schutz vun der Heemecht, d'Kristi Noem, sot hirersäits an engem Interview mat Fox News, den Nicolás Maduro misst säi Poste raumen.
Gläichzäiteg krut Venezuela weider Ënnerstëtzung vu Russland zougesot.
Haut um Dënschdegowend soll den UNO-Weltsécherheetsrot sech mat de Spannungen tëschent den USA a Venezuela befaassen.
Militärpresenz däitlech erhéicht
D‘USA hunn hir Militärpresenz an der Karibik an de leschte Méint däitlech verstäerkt. Nieft Attacken op presuméiert Drogeschëffer aus Venezuela hunn d‘USA rezent och zwee grouss Pëtrolsschëffer saiséiert.
Déi Schëffer wieren Deel vun enger geheimer, illegaler Flott, mat där de Venezuela Sanktioune wéilt ëmgoen, behaapt Washington.
