D'Lydie Polfer huet um Donneschdegmoien um City Breakfast ugekënnegt, datt d’Stad Lëtzebuerg am Kader vun der Fussball-Europameeschterschaft ee Public Viewing um Glacis wäert organiséieren. Dat tëschent dem 29. Juni an dem 14. Juli. Gewise ginn d'Matcher op engem 50 Meterkaree groussen Ecran.
D'EM fënnt dëst Joer an Däitschland statt. Optaktmatch ass de 14. Juni tëschent Däitschland a Schottland. D'Finall fënnt de 14. Juli statt a kann deemno live um Glacis verfollegt ginn.