Den ukrainesche President Wolodymyr Selenskyj huet an engem Bréif u säin amerikaneschen Homolog Donald Trump ëm méi Patriot-Loftofwierrakéite gefrot. Dat geet aus engem Dokument ervir, dat d’AFP konnt agesinn.
Hannergrond sinn déi ëmmer méi intensiv russesch Loftattacken op d’Ukrain. De Selenskyj schwätzt an deem Zesummenhang vun engem „vitale Schutz géint de russeschen Terror“.
Patriot-Systemer solle russesch Rakéiten ofwieren
Konkret freet Kiew ëm Patriot PAC-3-Rakéiten an ëm zousätzlech Loftdefensesystemer. Domat kéinte russesch ballistesch Rakéiten an aner Attacke besser ofgefaange ginn.
An deem Bréif schreift de Selenskyj, d’USA kéinten der Ukrain hëllefen „dëst vitalt Schutzinstrument géint de russeschen Terror“ ze kréien.
Russland intensivéiert Attacken
D’Ufuerderung kënnt zu engem Zäitpunkt, wou Russland seng Loftugrëffer géint ukrainesch Stied an Infrastrukturen nees verstäerkt huet. Besonnesch d’Patriot-Systemer gëlle fir d’Ukrain als entscheedend, fir sech géint modern russesch Rakéiten ze verdeedegen.
