/ Prozess géint dräi Nawalny-Affekoten huet ugefaangen
Nom Doud vum russeschen Oppositionellen Alexei Nawalny an engem russesche Stroflager huet haut de Prozess géint seng dräi Affekoten ugefaangen. Hinne gëtt Extremismus virgeworf, op dee bis zu sechs Joer Prisong steet.
1 min
Déi beschëllegt Affekote sollen dem Nawalny Informatioune geliwwert hunn, mat deenen hien dann extremistesch Crime geplangt hätt, heescht et ouni weider Präzisiounen.
D‘Affekote waren am Oktober d‘lescht Joer festgeholl ginn a sëtzen zënterhier an Untersuchungshaft.