De Fuerpark vun der Police soll an den nächste Joren awer mat elektreschen Autoen erweidert gi fir déi Servicer, déi normal Deplacementer maachen.
D’Lëtzebuerger Police huet aktuell 34 elektresch Gefierer an hirem Fuerpark. Dëst Joer wäerten nach 3 Autoe vun der Ausschreiwung vun zejoert dobäi kommen, an et gi 6 weider elektresch Autoen dëst Joer ausgeschriwwen. Och fir d‘nächst Joer si 6 weider Elektroautoe bei der Police an den Ausschreiwunge virgesinn, sou nach de Minister Léon Gloden.