Dorop solle jo just Autoe fueren, an deenen op d’mannst zwou Persoune sëtzen. "Physesch a statesch Policekontrollen op deem Tronçon si quasi net realisabel." seet d'Police. Eng effikass Kontroll wier just duerch automatiséiert Systemer wéi ee Radar méiglech.
Eng klassesch Verkéierskontroll op deem Deelstéck kéint nämlech souwuel fir d’Poliziste wéi fir de Verkéier Gefore mat sech bréngen. Et kéim awer zu Kontrollen am Kader vun den alldeegleche Missiounen a Patrullen, sou nach d'Police.
Aus dem Mobilitéitsministère heescht et iwwerdeems op Nofro hin, datt effektiv virgesi wier, Radare fir d’Iwwerwaache vun der Covoituragespuer anzeféieren. Bis et souwäit ass, wäert et awer nach daueren. Dem Ministère no kéint Enn dëst oder Ufank d’nächst Joer eng Testphas ulafen.
