Déi global Institutioune missten iwwerschafft ginn, fir datt international Organisatioune besser op d’Bedürfnisser vun all de Natioune kéinte reagéieren, esou de Ban Ki-moon.
Weider sot de fréieren UNO-Generalsekretär, et sollt ee sech deementspriechend iwwerleeën, wéi ee beispillsweis den UNO-Sécherheetsrot kéint reforméieren. Eng Fro, déi den DP-Ausseminister Xavier Bettel och a senger Ried thematiséiert hat.
Weider wier et dem Ban Ki-moon no wichteg, Ofkommessen, wéi de Paräisser Klimaaccord, ze ënnerstëtzen. Esou Ofkommesse géifen der Welt ee klore Kader setze fir op eng nohalteg Zukunft hinzeschaffen. Beim drëtten Usazpunkt sti Mënscherechter fir de Ban Ki-moon am Fokus.
"Mir sollten déi international Uerdnung, déi op Reegele baséiert, verdeedegen. Internationaalt Recht, Mënscherechter an déi demokratesch Wäerter musse méi wéi nach ni als Fundament vum gemeinsame Progrès gestäerkt ginn. Wa global Normen ënnerdréckt ginn, riskéiere mir Instabilitéit, Konflikter an d’Verschäerfe vu bestoende Konflikter. Altruisteschen Dialog muss am Mëttelpunkt vun diplomateschen Efforte stoen."
Fir eng besser Zukunft wier de Multilateralismus eng Noutwennegkeet, esou nach de Ban Ki-moon.
